د تسنیم تفسیر ۸۰ جلده دوره د امیرالمؤمنین (ع) حرم ته ډالۍ شوه + انځور
د ایکنانیوز د خبریال په حواله، ستر دینی مرجع تقلید آیتالله العظمى عبدالله جوادي آملي د جمعې په سهار، د غوایي ۱۹مه، د نجف اشرف د علوي آستان له تولیت سره په لیدنې کې، وروسته له دې چې د حرم تولیت سید عیسى الخرسان خپل راپور وړاندې کړ، د علوي آستان تولیت ته وویل: «له خدای شکر وباسئ چې تاسو ته ئې په دې مقدس بارگاه کې د خدمت کولو توفیق درکړی دی؛ تاسو په داسې مقدس آستان کې خدمت کوئ چې د قران کریم تاليتلو دی.»
هغه د علوي آستان لخوا د زیارتوالو ، په تیره بیا د حسیني اربعین په دستورو او پلي لاریون کې، د پراخو خدمتونو یادونه وکړه او ټینګار ئې وکړ: «د حسیني اربعین ولولناکې او پرتمینې دستورې د عبادت ترڅنګ، یو سیاسي او ټولنیز حرکت هم دی، ځکه چې د اسلامي امت د یووالي او پيوستون لامل کیږي.
آیتالله جوادي آملي دا هم وویل: «قرآن او اهل بیت علیهم السلام تل د مسلمانانو د یووالي چورلیز او عامل دي.
د نجف اشرف د علوي حرم تولیت سید عیسى الخرسان په دغې لیدنې کې د دغه ستر فقیه په شتون خوښي څرګنده کړه او و ې ویل: «مونږ ټول د اهل بیت علیهم السلام په دسترخوان ناست یو او د هغوی د زیارتوالوپه خدمت کولو ویاړ و.» هغه زیاته کړه: «د اربعین مراسم هر کال د تېر کال په پرتله په لا ولولناک او پرتمین ډول ترسره کیږي او کلتوري او عقیدتي اړخونه ئې ورځ تر ورځې پراخیږي.»
هغه د نجف اشرف د حوزې علمي هزار کلنۍ د لمانځنې مراسمو ته په اشارې وویل: په ټولې نړۍ کې کم علمي مرکزونه شته چې زر کاله پخوانۍ مخینه ولري او له کوم ځنډ پرته ئې بشریت ته خدمت کړي وي.»
یادونه وشوه چې آیتالله جوادي آملي د عتبات عالیات د زیارت لپاره عراق ته سفر کړی او په دغه سفر کې د امیرالمؤمنین امام علي (ع) او په کربلا، کاظمین او سامرا کې د نورو معصومو امامانو (ع) د زیارتونو کولو نیت لري.
پیامhttps://iqna.ir/fa/news/4281327
